04/06/2017

A Comisión Europea puxo en marcha unha consulta pública co obxectivo de modernizar e simplificar a política agrícola común para responder mellor aos retos sociais, políticos, ambientais e económicos actuais.

A consulta pública, dispoñible en castelán , estará aberta ata o 2 de maio de 2017 e representa unha oportunidade para que os agricultores, os cidadáns, as organizacións e outras partes interesadas fagan oír a súa voz sobre o futuro da política agrícola común .

As contribucións recibidas reforzarán o traballo da Comisión na definición das futuras prioridades da política agrícola, que deberán presentarse a finais de 2017, xunto con conclusións sobre o rendemento actual da política agrícola común e as posibles opcións políticas para o seu futuro.

Os resultados desta consulta pública publicaranse en liña e presentaranse polo Comisario Europeo de Agricultura e Desenvolvemento Rural nunha conferencia que se celebrará en Bruxelas en xullo de 2017.

Para máis información: Comisión Europea - Agricultura e Desenvolvemento Rural: http://bit.ly/2k31ZVs