Con estes premios, a SEAE ( www.agroecologia.net ) quere recoñecer a aquelas persoas ou entidades (procesadores, agricultores, comercializadores, promotores de consumo, asesores técnicos, investigadores e autoridades competentes ou de control) que contribúen a desenvolver este modelo agroecolóxico e de xestión de agrosistemas que combina a produción de alimentos de calidade e a conservación dos recursos naturais, considerando a agricultura e a gandería ecolóxicas como un motor esencial para afrontar os retos que plantea o sector como a conservación e mellora da biodiversidade, a mitigación/adaptación ao cambio climático, a soberanía alimentaria, a escaseza de auga e o desenvolvemento rural sostible e da paisaxe.

Hai cinco modalidades:

1. Xeración de coñecemento/innovación agroecolóxica e produción orgánica

2. Transferencia/difusión de coñecementos/innovación na produción ecolóxica

3. Xeración e difusión de coñecemento/innovación na produción ecolóxica

4. Xeración e difusión de coñecemento/innovación en restauración ecolóxica

5. Xeración e difusión de coñecemento/innovación en consumo ecolóxico

As bases destes premios pódense atopar na sección BASES DOS PREMIOS e pódese solicitar máis información enviando un correo electrónico a: premios@agroecologia.net