17.05.2018

A principios de maio, a Comisión Europea presentou a súa proposta para o próximo orzamento da UE , para o período 2021-2027 , na que propón recortar os fondos agrícolas da PAC e da cohesión nun 5 % e un 7 %, respectivamente. A pesar disto, ambas políticas seguen sendo piares do orzamento europeo, representando arredor do 65 % del, fronte ao 73 % do marco actual.

A segunda maior asignación de fondos é Recursos Naturais e Medio Ambiente, con 378.920 millóns de euros (29,6%), a maior parte dos cales se asignará á Política Agrícola Común (PAC) : 365.000 millóns de euros para pagos directos e medidas de desenvolvemento rural. O Fondo Europeo de Desenvolvemento Rexional e Cohesión terá un orzamento de 273.000 millóns de euros.

En canto ao segundo piar da PAC , o desenvolvemento rural, Bruxelas propuxo recortar nun 10 % a cofinanciación da UE para os programas de desenvolvemento rural, e Hogan animou aos países a cubrir esta lagoa con fondos nacionais para que os programas de desenvolvemento rural non se vexan reducidos. "Se os Estados membros deciden tapar esta brecha no desenvolvemento rural, iso significaría que non habería recortes", afirma a CE, que especifica, a modo de exemplo, que isto ascendería a uns 180 millóns de euros anuais no caso de España.

En canto ao primeiro piar da PAC, o ministro de Agricultura da UE garantiu que os pagos directos non caerán máis do 3,9 % en ningún Estado membro.

Bruxelas tamén recomenda aumentar os fondos para "novas e urxentes prioridades", incluídos os fondos dedicados á investigación e á innovación, á mocidade, á economía dixital, á xestión de fronteiras, á seguridade e á defensa .

En termos xerais, as principais propostas presentadas pola Comisión Europea para este próximo período de programación son: un maior cofinanciamento, a importancia do cambio climático, a redistribución da axuda, unha reserva de crise e unha maior flexibilidade para os Estados membros.