A posta en marcha dos Grupos Operativos supraautónomos continúa avanzando. Os Grupos Operativos son grupos de partes interesadas de diversas orixes, como agricultores, gandeiros, silvicultores, industrias agroalimentarias ou forestais, centros de formación e asesoramento en I+D+i públicos ou privados, centros tecnolóxicos ou institucións sen ánimo de lucro, entre outros, que unen forzas para resolver un problema ou aproveitar unha oportunidade, cunha abordaxe innovadora e multisectorial. Os Grupos Operativos son elementos clave no desenvolvemento da Asociación Europea para a Innovación nunha Agricultura Produtiva e Sostible (AEI-AGRI/EIP-AGRI).

Como xa anunciamos no noso perfil de Twitter a semana pasada ( http://bit.ly/2rGRFbp ), publicouse a proposta de resolución provisional ( http://bit.ly/2tEdFzQ ) para a concesión de subvencións para a creación de grupos operativos supraautonómicos no marco do Programa Nacional de Desenvolvemento Rural (PNDR). As subvencións propostas están cofinanciadas nun 53 % polo Fondo Europeo Agrícola de Desenvolvemento Rural (Feader), no marco da submedida 16.1 do PNDR.

19 de xuño de 2017