2016ko azaroaren 10a

Landa Eremu Sare Nazionalen seigarren bilera Senecen (Eslovakia) egin zen, azaroaren 8tik 9ra, Eslovakiako Landa Eremu Sareak antolatuta. Bilera hau Landa Garapenerako Europako Sareak (ENRD) deitutako landa-sare nazionalen jarduerak eta prestakuntza koordinatzeko ohiko bileren parte da. EBko hamabost estatu kideetako landa-sare nazionaletako ordezkariek parte hartu zuten.

Bilerak landa-sare nazionalen gobernantza izan zuen ardatz: haien egitura eta eginkizuna. Landa-sare nazional bakoitzaren gobernantza ulertzeko, ENRD Harremanetarako Puntuak informazioa eskatu zien bakoitzari, eta hori profil-eredu batean estandarizatu da. Profil hauek ENRDren webgunean kontsulta daitezke. Bi landa-sare nazional, Finlandiak eta Eslovakiak, beren gobernantza-eredua eta jarduerak aurkeztu zituzten bilera honetan.

Bileran eztabaidatu ziren beste gai batzuk ere izan ziren: gai-lanaren aurrerapena, baita sareen lanari balioa gehitzen dioten tresnak eta metodoak ere, parte-hartzaile gehiago erakartzeko. Landa Garapenerako Agintaritza Nazionalarekin (ENRD) lankidetza eta landa-sare nazionalek bertatik lor dezaketen laguntza eta baliabideak ere eztabaidatu ziren bileran.

Duela gutxi egindako Cork 2.0 Landa Garapenerako Konferentzia eta landa garapen politikarako adostutako hamar printzipioak aurkeztu zitzaizkien bertaratutakoei. Bertaratutako landa-sare nazional bakoitzeko ordezkariek aukera izan zuten gainerakoekin partekatzeko beren herrialdeetan egindako jarduerak, baita etorkizun hurbilean aurreikusitakoak ere Cork 2.0 Adierazpenean jasotako printzipioekin lotuta.

Bilera honi buruzko informazio gehiago (ingelesez) hurrengo estekan aurki daiteke  

Landa Sare Nazionalen hurrengo bilera Portugalen egingo da, 2017ko martxoan.