2017ko apirilaren 24a

Europako Parlamentuak hainbat neurri eta gomendio proposatu ditu, hainbat ekintza biltzen dituztenak eta Europako gobernuak zein Europako Batzordea inplikatuz, landa-eremuetako gizonen eta emakumeen arteko desberdintasuna amaitzeko eta landa-eremuko emakume askok egiten duten lanari ikusgarritasun handiagoa emateko helburuarekin.

Europako Parlamentuak eskatu du genero-ikuspegia Nekazaritza Politika Bateratuaren (NPB) laguntzaren banaketan sartzea eta landa-eremuetako emakumeei buruzko azpiprograma tematikoak mantentzea eta etorkizuneko erreformetan hobetzea.

Genero-arrakala detektatu eta murrizteko tresna eraginkor gisa, EBko Parlamentuak landa-eremuetako emakumeen egoeraren aldizkako jarraipena , datuak biltzea eta nekazaritzan emakumeen rola identifikatzeko adierazleak ebaluatzea proposatzen du. Informazio hau etorkizun hurbilean Emakume Nekazarien Europako Estatutu bat garatzeko ere erabiliko litzateke.

Kide diren herrialdeen landa-garapeneko politikei dagokienez, eskatzen da landa-eremuko emakumeen lan-merkaturako sarbidea sustatzea lehentasun gisa ezartzea. Era berean, emakumeen enplegua FEADERn neurri espezifiko gisa sartzea eskatzen du; eta estatu kideek familia-ustiategien jabetza partekatua sustatzea eta lan-baldintza berdinak eta emakumeen parte-hartzea erabakiak hartzerakoan maila eta arlo guztietan bermatzen dituzten mekanismoak ezartzea.

Emakume askok duten finantzaketa arazoari irtenbide gisa proposatzen da estatu kideekEuropako Progress mikrofinantza tresna aktiboagoa zabaltzea. EBko Parlamentuak estatu kideei eskatzen die pizgarri mota desberdinak eskaintzeko enpresa berrien eta ETEen iraunkortasuna eta garapena laguntzeko.