Entre as actividades que realiza a Rede Rural Nacional destaca a elaboración de estudos e análises para mellorar a calidade da execución dos Programas de Desenvolvemento Rural , e neste marco, está a desenvolver unha análise da implantación de LEADER durante o período 2014-2020.

Para elaborar este informe, a Rede Rural Nacional está a recoller información asociada a LEADER mediante enquisas dirixidas ás Autoridades Xestoras e aos Grupos de Acción Local (GAL). Isto culmina con obradoiros con Autoridades Xestoras, Redes de Desenvolvemento e Grupos de Acción Local.

En concreto, o 29 de outubro de 2018 celebrouse unha reunión do Grupo de Traballo coas Autoridades Xestoras, sesión dirixida por Javier Esparcia, catedrático da Unidade de Desenvolvemento Rural da Universidade de Valencia.