2017ko martxoaren 22a

Landa Eremuetako Sare Nazionalak (RRN) eta Landa Eremuetako Emakumeen Konfederazioak (CERES) "Ezagutza Transferentziaren Konferentzia Landa Eremuetako Emakume Ekintzaileen artean" egin zuten martxoaren 15ean Lalínen (Pontevedra), Galiziako eta Gaztela eta Leongo eta Asturiasko bezalako autonomia erkidego mugakideetako emakumeei eta landa eremuetako emakumeen erakundeetako ordezkariei zuzenduta.

Ekitaldiak emakume ekintzaileen esperientziak eta landa-garapeneko proiektuetarako finantza-laguntza lortzeko prozedurak partekatzea izan zuen helburu.

Bere aurkezpenean, ministerioko ordezkariak Landa Eremuetako Sare Nazionalak landa eremuko emakumeen erakundeetako norbanako eta ordezkarientzako prestakuntza foro espezifikoak abiarazteko duen interesa azpimarratu zuen. Foro hauek landa-garapen politikaren barruan aukerak eskaintzen dituzte, baita talde eta erakundeetan parte hartzea sustatzen ere.

Hizlari ezberdinek landa-errealitatea ikuspuntu ezberdinetatik aurkeztu zuten. Pura Seoanek, Labregas elkarteko ordezkariak, landa eremuko emakumeen bizitzari buruz hausnartzeko bilguneen beharra nabarmendu zuen. Paula Suanzesek, "Terras de Pontevedra Norte" Landa Garapenerako Elkarteko kudeatzaileak, Landa Garapenerako Taldea, Tokiko Garapen Parte-hartzaileko Estrategia, ematen duen laguntza eta garatu dituen proiektuak aurkeztu zituen, emakumeen parte-hartzea azpimarratuz arlo honetan.

Labregas Elkartearen izenean, Ana Eirasek landa eremuetan bizi diren emakumeen arazoak, eskaerak eta beharrak, baita kezkak eta nahiak ere aurkeztu zituen.

Amarelanteko Sonia Cousok adibide eta ekintzailetza esperientzia gisa hitz egin zuen, kalitatezko gaztainak ekoizteko eta saltzeko kooperatiba eta gaztainondoen berreskurapena aurkeztuz. Inés Casabellak ardi-hazle gisa duen esperientzia partekatu zuen, eta Pura Seoanek, Huerta Ecológica- koak, baratzezaintza ekologikoaren inguruko bere bizitza-proiektuaren berri eman zien entzuleei.
Ana Lorenzok, Cidadaníakoak , landa eremuetako kooperatiba ereduen hainbat adibide erakutsi zituen eta negozio bat behar bezala hasteko hamar gakoak aurkeztu zituen.

Berdintasun eta Landa Garapeneko agente Paloma Jimenak eguna amaitu zuen landa eremuetako emakumeen egoera jorratu zuen tailer batekin, bertaratutakoen kezka, nahi eta konpromisoen bidez.